Ceyms Bond silsiləsindən yeni filmin adı məlum oldu

Ceyms Bond silsiləsindən çəkilən növbəti  filmin adı bəlli oldu. Ekran əsəri "Ölməyə vaxt yoxdur" adlanacaq.

Bu barədə məlumat film müəlliflərinin rəsmi səhifəsində əksini tapıb. Məlumatda deyilir: "Deniel Kreyq "Ölməyə vaxt yoxdur" filmində Agent 007 - Ceyms Bond roluna qayıdır".

Ekran əsərinin dünya premyerası gələn ilə - aprelin 2-nə təyin olunub.

Filmin rejissoru "Əsl xəfiyyə" serialı ilə məşhurlaşan Keri Fukunaqadır. Kreyqdən başqa filmdə Kristof Valts, Rami Malek, Lea Seydu, Ana de Armas və Reyf Fayns da rol alıb.