Çində ötən sutkada koronavirusa 1 yoluxma halı qeydə alınıb
Çində ötən sutka ərzində yeni növ koronavirusa 1 yoluxma halı qeydə alınıb.
Ens.az xəbər verir ki, Trend-in verdiyi məlumata görə, bu barədə Çinin gigiyena və səhiyyə üzrə Dövlət Komitəsindən xəbər verilib.
Məlumata əsasən, yoluxma halı şimal-şərq Zilin əyalətində aşkarlanıb. Bölgə rəhbərliyi yoluxan şəxsin 45 yaşlı qadın olduğunu təsdiqləyib.
Bildirilir ki, ölkədə hazırkı dövrədək xaricdən gələn vətəndaşlar arasında 1 680 yoluxma halı aşkarlanıb.
Qeyd edilir ki, son günlər ərzində Çində koronavirusdan ölüm halı qeydə alınmayıb. Ümumilikdə ölkədə koronavirusa yoluxanların sayı 82 886 nəfərə, ölənlərin sayı isə 4 633 nəfər təşkil edir.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət