![Coca-Cola şirkətinin Qafqaz regionu üzrə yeni meneceri təyin edilib](https://ens.az/images/news/642e221f85c93324dcbeff0ec3be15c9.jpg)
Coca-Cola şirkətinin Qafqaz regionu üzrə yeni meneceri təyin edilib
Coca-Cola şirkətinin Qafqaz regionu üzrə yeni meneceri təyin edilib.
"Marja"nı məlumatına görə, yeni menecer Adrian Çernautandır.
"Mən İyulun 1-dən Coca-Cola şirkətinin Qafqaz qregionu üzrə meneceri təyin edilmişəm. Mən Azərbaycanda işləyəcəyəm. Azərbaycanın və digər Qafqaz ölkələrinin inkişaf potensialı çox böyükdür", - Adrian Çernautan jurnalistlər ilə görüşündə bildirib.
Bundan əvvəl Adrian Çernautan "Coca-Cola Avstriya" şirkətinin icraçı direktoru işləyib. O, Maldova, Rumıniya və Macarıstanda da çalışıb.
Adrian Çernautan qeyd edib ki, "Azerbaijan Coca-Cola Bottlers" şirkətində 300 nəfər işləyir, dollayı yolla işlə təmin edilənlərin sayı isə 3000 nəfərə yaxındır. Ötən ilin sonunda Coca-Cola-nın Azərbaycana yatırdığı sərmayənin məbləği 150 milyon dollara, ödədiyimiz vergilərin məbləği isə 250 milyon dollara çatıb.
"Azerbaijan Coca-Cola Bottlers" MMC "Coca-Cola İçecek A.Ş. (CCI) şirkətinə bağlıdır. "Coca-Cola İçecek A.Ş. (CCI)" "The Coca-Cola Company (TCCC)" markalarından ibarət olan qazlı və qazsız içkilərin istehsalı və satışını həyata keçirir. "CCI" - Türkiyə, Pakistan, Qazaxıstan, Azərbaycan, Qırğızıstan, Türkmənistan, İordaniya, İraq, Suriya və Tacikistanda fəaliyyət göstərir.
Şərhlər
Şərhləri göstər Şərhləri gizlət