COP29-da Paris Sazişinin 6-cı maddəsinin tam icra olunmasına nail olundu

COP29-da Paris Sazişinin 6-cı maddəsinin tam icra olunmasına nail olundu

Bu gün COP29-un Sədrliyi Paris Sazişinin 6-cı maddəsində nəzərdə tutulan karbon bazarları ilə bağlı danışıqların nəticələnməsi üçün on il davam edən gözləmənin sona çatdığını elan edib. Bu, Sədrliyin ilin ən önəmli prioritetlərindən biri idi və tərəfləri bu mühüm nailiyyətə çatdırmaq üçün intensiv, ikili yol üzrə texniki və siyasi danışıqlar aparılıb. Bu strategiya illərlə davam edən çıxılmaz vəziyyəti aşdı və Paris Sazişində qalan son məsələnin həllini təmin etdi.

Ens.az Trend -ə istinadən xəbər verir ki, 6-cı maddə iqlim məqsədlərinə nail olmaq üçün əməkdaşlıq edən ölkələr üçün möhkəm və şəffaf karbon bazarları təmin edir.

Bu transsərhəd əməkdaşlığın ölkələrin milli iqlim planlarının həyata keçirilməsi xərclərini ildə 250 milyard dollara qədər azaldacağı gözlənilir.