Danışıqlar ABŞ-nin hansı qərarından asılıdır: Tehran Vaşinqtondan nə gözləyir?
Hazırda Tehran ABŞ Maliyyə Nazirliyinin rəsmi saytında İran neftinin ixracına tətbiq olunan sanksiyaların aradan qaldırılması barədə müvafiq qərarın tezliklə dərc olunmasını gözləyir.
Ens.az Oxu.az-a istinadən xəbər verir ki,bu barədə "Tasnim" agentliyi məlumat yayıb. Mənbənin sözlərinə görə, İsveçrədəki görüşlərdə İran aktivlərinin dondurulmaqdan çıxarılması, o cümlədən İran neftinin, neft-kimya məhsullarının və onların törəmələrinin satışı üçün xüsusi icazələrin verilməsi məsələləri ətrafında fikir mübadiləsi aparılıb. Sözügedən icazələrlə bağlı bildirişin ABŞ-nin Maliyyə Nazirliyi tərəfindən rəsmən elan ediləcəyi proqnozlaşdırılır.
Bundan başqa agentlik qeyd edir ki, indiyə qədər nüvə məsələsi ilə bağlı heç bir danışıq olmayıb. Məlumata görə İran 13-cü bəndin yerinə yetirilməsini gözləyir - bu bənd yerinə yetirilmədikcə, nüvə danışıqları başlamayacaq.
Şərhlər
Şərhləri göstər Şərhləri gizlət