![Daşınar əmlakın yüklülüyünün dövlət reyestrindən istifadəyə görə istifadə haqları azaldılıb](https://ens.az/images/news/1599221718225_Ws0xflnw.jpg)
Daşınar əmlakın yüklülüyünün dövlət reyestrindən istifadəyə görə istifadə haqları azaldılıb
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. Azərbaycan Respublikası Prezidentinin 2007-ci il 11 aprel tarixli 564 nömrəli Fərmanı (Azərbaycan Respublikasının Qanunvericilik Toplusu, 2007, № 4, maddə 326; 2008, № 6, maddə 495, № 11, maddələr 969, 980; 2013, № 6, maddə 656; 2014, № 10, maddə 1176; 2016, № 2 (II kitab), maddə 243, № 3, maddə 457, № 8, maddə 1376; 2017, № 8, maddə 1521; 2018, № 2, maddə 208, № 9, maddə 1840) ilə təsdiq edilmiş “Daşınar əmlakın rəsmi reyestrlərində qeydiyyata alınan əmlak növlərinin və onların qeydiyyatını aparan inzibati orqanların Siyahısı”nın 8-ci hissəsi ləğv edilsin və həmin Siyahının “Qeyd”indən “8,” rəqəmi çıxarılsın.
2. “Daşınar əmlakın yüklülüyü haqqında” Azərbaycan Respublikasının 2017-ci il 2 may tarixli 667-VQ nömrəli Qanununun tətbiqi barədə” Azərbaycan Respublikası Prezidentinin 2017-ci il 24 may tarixli 1420 nömrəli Fərmanının (Azərbaycan Respublikasının Qanunvericilik Toplusu, 2017, № 5, maddə 824) 2.3-cü bəndində “Azərbaycan Respublikasının Maliyyə Bazarlarına Nəzarət Palatası” sözləri “Azərbaycan Respublikasının Mərkəzi Bankı” sözləri ilə əvəz edilsin.
3. “Daşınar əmlakın yüklülüyünün dövlət reyestrinin aparılması Qaydaları”nın və “Daşınar əmlakın yüklülüyünün dövlət reyestrindən istifadə haqqının məbləği”nin təsdiq edilməsi haqqında” Azərbaycan Respublikası Prezidentinin 2018-ci il 29 mart tarixli 1901 nömrəli Fərmanında (Azərbaycan Respublikasının Qanunvericilik Toplusu, 2018, № 3, maddə 451; 2019, № 1, maddə 82, № 4, maddə 659) aşağıdakı dəyişikliklər edilsin:
3.1. 4-cü hissədə “Azərbaycan Respublikasının Maliyyə Bazarlarına Nəzarət Palatası” sözləri “Azərbaycan Respublikasının Mərkəzi Bankı” sözləri ilə əvəz edilsin;
3.2. həmin Fərmanla təsdiq edilmiş “Daşınar əmlakın yüklülüyünün dövlət reyestrinin aparılması Qaydaları” üzrə:
3.2.1. 1.4.1-ci yarımbənddə və 2.6-cı bənddə “Azərbaycan Respublikasının Maliyyə Bazarlarına Nəzarət Palatası” sözləri “Azərbaycan Respublikasının Mərkəzi Bankı” sözləri ilə əvəz edilsin;
3.2.2. 11.2-ci bənddə “Azərbaycan Respublikası Maliyyə Bazarlarına Nəzarət Palatasının” sözləri “Azərbaycan Respublikası Mərkəzi Bankının” sözləri ilə əvəz edilsin və həmin bənddən “İdarə Heyəti” sözləri çıxarılsın;
3.3. həmin Fərmanla təsdiq edilmiş “Daşınar əmlakın yüklülüyünün dövlət reyestrindən istifadə haqqının məbləği” üzrə:
3.3.1. 1-ci abzasda “10 (on)” rəqəm və sözü “2 (iki)” rəqəm və sözü ilə əvəz edilsin;
3.3.2. 2-ci və 3-cü abzaslarda “6 (altı)” rəqəm və sözü “1 (bir)” rəqəm və sözü ilə əvəz edilsin.
İlham Əliyev
Azərbaycan Respublikasının Prezidenti
Bakı şəhəri, 4 sentyabr 2020-ci il.
Şərhlər
Şərhləri göstər Şərhləri gizlət