DGK-nın Mərkəzi Hospitalı əməliyyatxana üçün milyonluq tender elan etdi

Azərbaycan Respublikası Dövlət Gömrük Komitəsinin Tibbi Xidmət İdarəsinin Mərkəzi Hospitalı əməliyyatxanada istifadə olunacaq sərf materiallarının satın alınması ilə bağlı açıq tender elan edib.

Ens.Az-ın əldə etdiyi məlumata görə, tenderin ehtimal olunan qiyməti 1 milyon 970 min manat təşkil edir.

Müsabiqənin sənədlərinə əsasən, satınalma çərçivəsində əməliyyatxanalarda istifadə olunan müxtəlif növ tibbi sərf materiallarının alınması nəzərdə tutulur. Bunlara autotransfuziya dəstləri, kolleksiya rezervuar filtrləri, sorucu xətlər, soyuq işıq mənbələri üçün optik liflər, arterial kanüllər və digər tibbi ləvazimatlar daxildir.