Dişini çəkdirmək üçün növbəyə yazılan kişi dözməyib intihar etdi

İngiltərənin Saudhempton şəhər sakini dişinin çəkilməsi üçün növbəyə yazılsa da, sonunda dözməyib və intihar edib.

"Bizimyol.info"nun xarici mətbuata istinadən məlumatına görə, 38 yaşlı Entoni yanvar ayından diş ağrısından əziyyət çəkib. O dişinin çəkilməsi üçün növbəyə yazılsa da, sıra ona gəlib çatmayıb və o, günlərlə diş ağrısına dözmək məcburiyyətində qalıb. Entoni bu müddəti ağrıkəsicilər və ağrını azaldaraq yuxuya gedə bilmək üçün yatmazdan əvvəl viski içərək keçirib. Entoninin anası oğlunun şəxsi stomatoloqa müraciət edə bilməsi üçün pul yığmağa başlayıb.

Oğnunun "Ana, artıq bu ağrılara dözə bilmirəm" deməsinə baxmayaraq, ana ondan pul yığılana kimi bir-iki həftə daha gözləməsini istəyib. Lakin, bir müddət sonra Entoni öz evində ölü tapılıb.

Maraqlısı da odur ki, Entoninin anası yaşadığı yerdə şəxsi həkimə müraciət etmək üçün lazım olan məbləğin, bir dəfn mərasiminin xərcləriylə eyni olduğunu bildirib.