Disneyin hazırladığı süni intellekt mətnlərin keyfiyyətini qiymətləndirməyi öyrəndi

Böyük həcmli mətnləri oxumaq çox maraqlı, lakin yorucu işdir. Böyük həcmli mətndə dəyərli informasiya tapmaq da çox çətindir. Buna görə də Disney bunu “süni intellekt”ə tapşırmağa qərar verdilər və mətnləri analiz etmək və qiymətləndirməyi bacaran alqoritm hazırladılar.

Bostondakı Massaçusets Universitetinin mütəxəssisləri ilə birlikdə Disney Research komandası üç neyron şəbəkəsi yaratdı ki, onlar birlikdə təqdim olunmuş mətni bütövlükdə oxuyacaq və nə qədər yaxşı olduğunu müəyyən edəcək. Bir neyron şəbəkəsi tarixin ayrıca hadisələrini analiz edir, ikinci bütün hissələrin bir-birilə nə qədər yaxşı əlaqəsi olduğunu dəyərləndirir, üçüncü isə tam mətnə baxır və ona öz qiymətini verir.

“Bizim neyron şəbəkələrimiz mətnləri yaxşı analiz edir və onların mümkün populyarlığını proqnozlaşdırır. Siz hələ onları yazıçıların müsabiqəsində istifadə edə bilməzsiniz, amma bizim gələcək araşdırmalarımızda onlar mütləq lazım olacaq”, - Disney Research mütəxəssisi Albert Li deyir.

Yeni alqoritm özünün primitiv analoqlarından 18% daha yaxşı nəticə göstərdi. Əvvəllər alimlərin öhdəsində olan alqoritmlər belə yaxşı nəticə göstərə bilməmişdi, yeni Süni İntellektin isə gələcəyi parlaqdır. Mütəxəssislərin fikrincə alqoritm tədricən oxuduğu əsərləri başa düşməyi öyrənir, onların keyfiyyətini qiymətləndirir və tezliklə yaxşı nağıl kitabları yazmağı öyrənəcək.

Müəllif: Famil Ələkbərov