Doğum günündən dörd gün sonra dəfn edilən aprel şəhidimiz
Şanlı aprel döyüşlərimizin üçüncü ildönümü tamam oldu. Dördgünlük müharibədə Silahlı Qüvvələrimiz erməniləri ağır itkilərə məruz qoydu. Həmin döyüşlərdə şəhid olan hərbçilərimizdən biri də Silahlı Qüvvələrimizin giziri Mirsalam Təvəkkül oğlu Cəfərovdur. Mirsalam Cəfərov 1994-cü il aprelin 7-də Tovuz rayonunun Bayramlı kəndində anadan olub və bu gün onun doğum günüdür.
Aprel döyüşləri zamanı Mirsalam Lələ təpə uğrunda gedən döyüşlərdə qəhrəmancasına şəhid olub. Şəhid gizirimiz aprelin 11-də doğulduğu kənddə böyük izdihamla dəfn edilib. Mirsalam aprelin 7-də doğum günündə cəbhədə olub. O, doğum günündən cəmi dörd gün sonra uğrunda döyüşdüyü torpağa tapşırılıb.
Ölümündən sonra şəhid Mirsalam Cəfərov göstərdiyi qəhrəmanlığa görə Azərbaycan Respublikasının Prezidenti İlham Əliyev tərəfindən “İgidliyə görə” medalı ilə təltif edilib.
Allah cəmi şəhidlərimizə rəhmət eləsin!
Vasif Əlihüseyn
Mənbə: Moderator.az
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət