Donald Tramp növbəti prezident seçkisində namizəd olacaq?

ABŞ rəhbəri Donald Tramp prezident vəzifəsinə üçüncü dəfə namizədliyini irəli sürmək niyyətində olduğunu, lakin ölkə qanunvericiliyinin bu məsələdə olduqca sərt olduğunu vurğulayıb.

Ens.az Oxu.az-a istinadən xəbər verir ki,bu barədə Ağ Ev rəhbəri Vaşinqton yaxınlığındakı Endryus hərbi bazasında mətbuat nümayəndələrinin suallarını cavablandırarkən deyib.

"Namizədliyimi vermək istərdim, ancaq qanun çox sərtdir", - deyə o qeyd edib.

Trampın sözlərinə görə, hamı onun bu addımı atmasını arzulayır.

Qeyd edək ki, mövcud qanunlara əsasən, Trampın prezident kimi ikinci fəaliyyət müddəti 2029-cu ilin yanvar ayında başa çatmalıdır. 1951-ci ildə qəbul edilən ABŞ Konstitusiyasına 22-ci düzəliş dövlət başçısının vəzifədə qalmasını iki müddətlə məhdudlaşdırır. Buna baxmayaraq, hazırkı ABŞ lideri üçüncü dəfə yenidən seçilmək ehtimalını dəfələrlə dilə gətirib.