Smart saatlar bazarının üçdə birinə bir şirkət nəzarət edir.
Ens.az xəbər verir ki, Counterpoint Research analitik şirkəti 2019-cu ilin birinci rübündə ağıllı saatlar bazarındakı vəziyyət barədə hesabat yayıb.
Bazarın lideri 35,8% payla Apple şirkəti oldu. 2018-ci ilin ilk rübü ilə müqayisədə Apple Watch model ailəsinin satışı 49% artıb və bu ayfonun məşhurluğunun azalmasına baxmayaraq baş verib. Yəqin ki, saatların yeni alıcıılarını istifadəçilərin sağlamlıq vəziyyətinə nəzarətlə bağlı texnologiyaların hesabına cəlb etmək mümkün olacaq.
İkinci yerdə 11,1% payla Samsung qərar tutub. Bir il ərzində koreya şirkətinin satışı 127%-ə qədər əhəmiyyətli dərəcədə artıb.
Üçüncü yeri 9,2% ilə uşaqlar üçün ağıllı saatları ilə məşhur olan Imoo brendi tutur.
Sonra azalma ilə Fitbit (5,5%), Amazfit (3,7%), Huawei (2,8%), Fossil Group (2,5%) v’ Garmin (1,5%) gəlir. Bazarın bütün digər oyunçularının məcmu payı 27,9% təşkil edir.
Counterpoint Research-də Huawei-in uğurlarını xüsusilə qeyd edirlər. 1 il ərzində şirkət 2,8%-ə çata bildi, halbuki 2018-ci ilin birinci rübündə onun payı 0-a yaxınlaşırdı.
Həmçinin analitiklərin fikrincə, yaxın gələcəkdə istehsalçılar ağıllı saatlarda əyilə bilən ekranları sınaqdan keçməyə başlayacaqlar. Belə cihazın yaradılmasında ilk cəhd artıq qeydə alınıb - söhbət Nubia Alpha modelindən gedir, versiyasından asılı olaraq o, həm ağıllı saat, həm hibrid saat və smartfon ola bilər. Amma belə cihazlar tezliklə kütləvi olmayacaq; Counterpoint hesab edir ki, bu 2025-ci ildən sonra baş verəcək.
Şərhlər
Şərhləri göstər Şərhləri gizlət