Dünyanın süni intellektli ilk lampası

Ens.az xəbər verir ki, Belo adlı stolüstü lampa infraqırmızı diapazonda işləyən geniş bucaqlı obyektivə malik kamera, həmçinin kameradan şəkli real vaxt rejimində emal edən daxili prosessorla təchiz olunmuşdur.

Advantage Technology süni intellektlə təchiz olunmuş dünyada ilk olan Belo stolüstü lampasını təqdim etdi. Lampa infraqırmızı diapazonda işləyən geniş bucaqlı obyektivə malik xüsusi kamera, həmçinin kameradan şəkilləri real vaxt rejimində emal edən daxili prosessorla təchiz olunmuşdur.

Belə dəst və süni intellektin köməyi ilə lampa stol qarşısında oturan istifadəçinin bədəninin vəziyyətini izləyir, həmçinin onun gözlərinin yorğunluğunu qiymətləndirir. Əldə edilmiş informasiya smartfona ötürülür, orada şirkətin proqramında sahibi necə rahat oturmaq və gözlərinin sağlamlığını qorumaq barədə məsləhətlər alır. Əgər bu həqiqətən işləyirsə, onda lampa hər məktəbliyə lazımdır!

İşıq mənbəyi qismində 95+-a qədər işıq ötürmə indeksi ilə təbii işıq spektrində yayan led dəstindən istifadə edilir. Rəngin temperaturu 3700K-dir. Özü də diodlar böyük disk üzərində yayılır, buna görə də işıq bərabər paylanır. Lampanı aşağı, yuxarı, sağa və sola 180 dərəcə çevirmək imkanı nəzərdə tutulub. Cihazın qiyməti 145 dollar təşkil edir.