![Durovun pasportları əlindən alındı](https://ens.az/images/news/durovun-pasportlari-elinden-alindi.jpg)
Durovun pasportları əlindən alındı
Paris məhkəməsi teleqramın təsisçisi Pavel Durovun bütün pasportlarını götürüb.
“Qafqazinfo” TASS-a istinadən xəbər verir ki, bu barədə məlumatı Paris və Nitsanın Vəkillər Kollegiyasının üzvü İrina Sidorova açıqlayıb.
“Durovun üzərində olan bütün pasportlar istintaq fəaliyyəti dövrü üçün götürülüb. Bu isə o deməkdir ki, sahibkar dəniz, hava və yaxud quru yolu ilə Fransanı tərk edə bilməz”, - deyə Sidorova qeyd edib.
Xatırladaq ki, P.Durov avqustun 24-də Parisdə hava limanında saxlanmışdı. Avqustun 28-də isə o, məhkəmə nəzarəti altında sərbəst buraxılıb. Paris Prokurorluğu Durovu 6 qanun pozuntusunda, o cümlədən qanunsuz əməliyyatlar aparmaq məqsədilə onlayn platformanın idarə edilməsində ittiham edir.
“O, 5 milyon avro məbləğində girov ödəmək, həftədə iki dəfə polis bölməsinə məlumat vermək öhdəliyi ilə məhkəmə nəzarəti altına alınıb və ona Fransa ərazisini tərk etmək qadağan edilib”, - prokurorluğun açıqlamasında bildirilir.
Şərhlər
Şərhləri göstər Şərhləri gizlət