“Eko-Radar”a daxil olan şikayət əsasında tullantıların idarə olunmasına cavabdeh şəxs cəzalandırılıb

“Eko-Radar”a daxil olan şikayət əsasında tullantıların idarə olunmasına cavabdeh şəxs cəzalandırılıb

Ekologiya və Təbii Sərvətlər Nazirliyinin rəsmi internet səhifəsinin “Eko-Radar bölməsinə Abşeron rayonu Saray qəsəbəsi ərazisindəki gölün ətrafına tullantıların atılması və yandırılması ilə bağlı daxil olan şikayət Dövlət Ekoloji Təhlükəsizlik Xidmətinin əməkdaşları tərəfindən araşdırılıb.

Ens.az xəbər verir ki, Xidmətin rəis müavini Ramal Bağırov Oxu.Az-a bildirib ki, faktla bağlı tullantıların idarə olunmasına cavabdeh Saray bələdiyyəsi barəsində protokol tərtib olunub və onun hüquqi şəxs qismində 6500 manatdan 8000 manatadək cərimələnməsi üçün toplanan sənədlər Abşeron Rayon Məhkəməsinə göndərilib.

Ərazinin tullantılardan təmizlənməsi və gələcəkdə belə hallara yol verilməməsi üçün bələdiyyə sədrinə məcburi göstəriş verilib.