Elçibəyin kitabının satış marafonu keçiriləcək: İkinci kitabın çapına pul toplanması üçün

Azərbaycan milli-azadlıq hərəkatının lideri, mərhum Prezident Əbülfəz Elçibəyin əsərlərinin II cildi çapa hazırlanır.  

Cebhe.info xəbər verir ki, bu barədə Elçibəyin köməkçisi olmuş Oqtay Qasımov məlumat verib.

O bildirib ki, mətbəə xərclərini qarşılamaq məqsədilə Elçibəyin "İstiqlal, hürrüyət və bütövlük strategiyası" kitabının satış marafonu keçiriləcək.

Marafon 21 iyun saat 11-dən saat 17-dək Müsavat partiyasının qərargahında olacaq. Kitabı almaq istəyənlər marafona dəvət edilib.  Kitabın bir ədədinin qiyməti maya dəyəri kimi 10 AZN müəyyənləşdirilib.