Elmi müəssisələrin akkreditasiyası qaydası dəyişib

Azərbaycan Respublikası Nazirlər Kabinetinin “Elmi

müəssisələrin akkreditasiyası Qaydası”nın təsdiq edilməsi

haqqında” 2017-ci il 14 dekabr tarixli 554 nömrəli Qərarında

dəyişiklik edilməsi və “Elmi müəssisələrin akkreditasiyası

qurumu haqqında Əsasnamə”nin təsdiq .edilməsi barədə”

2017-ci il 14 dekabr tarixli 555 nömrəli

Qərarının ləğv edilməsi haqqında

Azərbaycan Respublikası Konstitusiyasının 119-cu maddəsinin

səkkizinci abzasını rəhbər tutaraq Azərbaycan Respublikasının

Nazirlər Kabineti qərara alır:

1. “Elmi müəssisələrin akkreditasiyası Qaydası”nın təsdiq

edilməsi haqqında” Azərbaycan Respublikası Nazirlər Kabinetinin

2017-ci il 14 dekabr tarixli 554 nömrəli Qərarında (Azərbaycan

Respublikasının Qanunvericilik Toplusu, 2017, № 12, maddə 2502)

aşağıdakı dəyişikliklər edilsin:

1.1. adına və mətninə “müəssisələrin” sözündən sonra

“təşkilatların” sözü əlavə edilsin;

1.2. həmin Qərarla təsdiq edilmiş “Elmi müəssisələrin

akkreditasiyası Qaydası” üzrə:

1.2.1. 1.2-ci bəndə (hər iki halda), 1.4-cü, 2.1-ci bəndlərə, 2.4-

cü bəndə (hər iki halda), 2.5-ci bəndə, 2.5.2-ci, 2.5.4-cü (hər iki

halda) yarımbəndlərə, 2.9-cu, 2.10-cu bəndlərə, 2.11-ci bəndin

birinci cümləsinə, 2.12-ci bəndə, 2.13-cü bəndin birinci cümləsinə,

2.14-cü bəndə, 3.1-ci bəndin birinci cümləsinə (hər iki halda) və 3.3-

cü bəndə ismin müvafiq hallarında “müəssisə” sözündən sonra ismin

müvafiq hallarında “(təşkilat)” sözü əlavə edilsin;

1.2.2. 1.3-cü bənd aşağıdakı redaksiyada verilsin:

“1.3. Elmi müəssisələrin (təşkilatların) akkreditasiyası onların

elmi fəaliyyətlərinin qiymətləndirilməsi əsasında ali attestasiya orqanı

– Azərbaycan Respublikasının Prezidenti yanında Ali Attestasiya

Komissiyası (bundan sonra – Komissiya) tərəfindən həyata keçirilir.”;

1.2.3. “Elmi müəssisələrin akkreditasiyası Qaydası”na əlavə

üzrə:

1.2.3.1. adında və mətnində “Elmi Müəssisələrin

Akkreditasiyası” sözləri “Azərbaycan Respublikasının Prezidenti

yanında Ali Attestasiya” sözləri ilə əvəz edilsin;

1.2.3.2. mətninə “elmi müəssisənin” sözlərindən sonra

“(təşkilatın)” sözü əlavə edilsin;

1.2.3.3. “Əsas:” hissəsinə “Komissiyasının” sözündən sonra

“Rəyasət Heyətinin” sözləri əlavə edilsin.

2. “Elmi müəssisələrin akkreditasiyası qurumu haqqında

Əsasnamə”nin təsdiq edilməsi barədə” Azərbaycan Respublikası

Nazirlər Kabinetinin 2017-ci il 14 dekabr tarixli 555 nömrəli Qərarı

(Azərbaycan Respublikasının Qanunvericilik Toplusu, 2017, № 12,

maddə 2503) ləğv edilsin.

 Əli Əsədov

 Azərbaycan Respublikasının Baş Naziri

Bakı şəhəri, 12 avqust 2020-ci il

№ 290