Ən çox superkompüteri olan ölkələrin reytinqi açıqlanıb - Top-10

Ən çox superkompüteri olan ölkələrin reytinqi açıqlanıb - Top-10

Superkompüterlərdən bir çox sahələrdə, o cümlədən yeni kimyəvi birləşmələrin düsturunu, binaların konstruksiyalarını, təyyarələrin və avtomobillərin aerodinamik xüsusiyyətlərini hesablayarkən, həmçinin yeni geyim modellərinin dizaynı zamanı istifadə olunur.

"APA-Economics"in məlumatına görə, ABŞ və Almaniyanın ekspertləri ildə iki dəfə dünyanın ən yaxşı 500 superkompüterinin siyahısını hazırlayırlar. Sözügedən superkompüterlər siyahısı ən nüfuzlu reytinq hesab olunur.

Qeyd edək ki, superkompüter – çox prosessorlu elektron-hesablama sistemidir. Superkompüterlərdə çoxsaylı mikroprosessorların paralel işlənməsi nəticəsində yüksək məhsuldarlığı əldə etmək olur. Onların qiyməti adətən milyonlarla dollarlarla ölçülür. Superkompüter müasir emal gücünün xüsusi hesablama sürətinin sərhədində olan bir kompüterdir.

Ən çox superkompüterə malik olan ölkələrin reytinqi:

#	Ölkə	Mövcud superkompüterlərin sayı, ədəd	Ən güclü superkompüter modeli
1	Çin	219	Sunway TaihuLight
2	ABŞ	116	Summit
3	Yaponiya	29	AI Bridging Cloud Infrastructure
4	Fransa	19	PANGEA III
5	Böyük Britaniya	18	Cray XC40
6	Almaniya	16	SuperMUC-NG
7	İrlandiya	14	Lenovo C1040
8	Niderland	13	NA3
9	Kanada	8	Niagara
10	İtaliya	5	HPC4