Ərdoğan: "İlham Əliyevin zəlzələdən sonra bir an belə əsirgəmədiyi mənəvi dəstəyi ürəyimizin başındadır"

Ərdoğan: "İlham Əliyevin zəlzələdən sonra bir an belə əsirgəmədiyi mənəvi dəstəyi ürəyimizin başındadır"

"Türkiyədə əsrin fəlakəti sayılan 6 fevral zəlzələlərindən sonra İlham qardaşımın (Azərbaycan Prezidenti-red.) bütün proseslərdə bir an belə əsirgəmədiyi mənəvi dəstəyi ürəyimizin başındadır".

"Ens.az" “Report”a istinadla  xəbər verir ki, bunu Türkiyə Prezidenti Rəcəb Tayyib Ərdoğan Prezident Kabinetinin 8 saat davam edən iclasından sonrakı açıqlamada bildirib.

"Azərbaycan ziyarətimizə dövlətimizin öhdəliklərindən kənarda bir təşəkkür borcunun ifadəsi olaraq da baxırıq. İlham Əliyev qardaşımla etdiyimiz söhbətlərdə ikitərəfli əlaqələri hər sahədə inkişaf etdirəcək bir çox önəmli qərarlar verdik. Ticarət həcmimizi 15 milyard dollara çıxarmağı ortaq hədəf olaraq müəyyən etdik. İki lider olaraq, xüsusilə, Türkiyə-Azərbaycan Universitetinin qurulmasına böyük önəm veririk", - Türkiyə Prezidenti qeyd edib.