Əsgərlərimizin bu ləvazimatlara ehtiyacı var

Son günlər Müdafiə Nazirliyinə Azərbaycan Ordusunun ön xətt bölmələrinə müxtəlif növ yardımların edilməsi istəyi ilə bağlı xeyli sayda müraciət daxil olur.

Ens.az xəbər verir ki, BAKU.WS-in qaynar xəttinə də oxucularımız tərəfindən Ordumuza yardım edilməsi təşəbbüsü ilə təkliflər edilir. Müdafiə Nazirliyindən əldə etdiyimiz məlumata əsasən, oxucularımızın nəzərinə çatdırırıq ki, hazırda Silahlı Qüvvələrimiz üçün lazım olan əsas ləvazimatlar bunlardır:

Paslanmayan metaldan olan qablar;

dərin boşqablar, fincan və qaşıqlar;

paslanmayan metaldan olan 50, 100, 150 və 300 litrlik qazanlar;

yük avtomobilləri üçün ehtiyat hissələri;

siqaretlər və alışqanlar;

qarşıdan qış fəsli gəldiyi üçün yun corablar və əlcəklər.

Qeyd edək ki, yardımın planlı şəkildə hərbi hissələrə çatdırılması məqsədilə Müdafiə Nazirliyində aşağıda əlaqə nömrələri qeyd edilən müvəqqəti qaynar xətt fəaliyyət göstərir:

+994 (012) 406-85-43

+994 (012) 406-59-33