"Finala yüksəlməyə layiq idik"

"Finala yüksəlməyə layiq idik"

"Sevilya"nın baş məşqçisi Xulen Lopeteqi Avropa Liqasında Manchester United-i məğlub etdikləri oyundan sonra fikirlərini bildirib.

Ens.Az goal.az-a istinadən xəbər verir ki, UEFA-nın mətbuat xidmətinə danışan Lopetteqi, 2:1 hesabıyla bitən görüşü belə şərh edib:

"Əlbəttə, çox sevincliyik. Çətin bir oyun oldu və ikinci hissədə çox əziyyət çəkdik. Geridə olsaq da, hesabı bərabərləşdirə bildik. Bütün futbolçularım yaxşı oyun sərgilədi. Manchester United kimi komandanı məğlub etmək üçün çoxlu güc sərf etməlisən.

Çox sevincliyəm. Bu komandanın nələr yaşadığını yaxşı bilirəm. Finala çıxmaq bütün komandanın uğurudur. Futbolçularımla fəxr edirəm. Finala yüksəlməyə layiq idik. Bunun üçün lazım olan hər şeyi etdik".