Fransalı deputat: 'Azərbaycanda qadın hüquqları ilə bağlı görülən tədbirlər tədqirəlayiqdir'

Fransalı deputat: 'Azərbaycanda qadın hüquqları ilə bağlı görülən tədbirlər tədqirəlayiqdir'

"Azərbaycanda qadın hüquqlarının inkişafı istiqamətində görülən tədbirlər tədqirəlayiqdir". 

Bunu "Report"un yerli bürosuna açıqlamasında Fransa Parlament Assambleyasında Qadın hüquqları və kişilərlə qadınlar arasında bərabərlik nümayəndə heyətinin rəhbəri, deputat Mari-Pyer Riksən (Marie-Pierre Rixain) bildirib. 

O, Azərbaycanda qadın hüquqlarının inkişafı istiqamətində görülən işləri yüksək qiymətləndirib: "Azərbaycanda qadınların siyasi vəzifələrdə təmsil olunması, ümumiyyətlə, qadınların iqtisadi cəhətdən müstəqilliklərini təmin etmək üçün görülən tədbirləri yüksək qiymətləndirirəm. Azərbaycanın regionlarında da qadınların elm, texnologiya kimi sahələrdə kişilərlə bərabər təmsil olunmalarına imkanlar yaradılıb, onların müxtəlif vəzifələr tutmaq, hətta öz bizneslərini yaratmaları üçün müvafiq tədbirlər görülür. Azərbaycanda qadın hüquqlarına yüksək qiymət verilir".