![Futbol üzrə Azərbaycan çempionatının XXIV turunun oyunlarının vaxtı müəyyənləşib](https://ens.az/images/news/54e4c9f029f577e107ce62b519d76ede.jpg)
Futbol üzrə Azərbaycan çempionatının XXIV turunun oyunlarının vaxtı müəyyənləşib
Futbol üzrə Topaz Premyer Liqasının XXIV turunun oyunlarının vaxtı müəyyənləşib.
AZƏRTAC Peşəkar Futbol Liqasının saytına istinadla xəbər verir ki, XXIV turun oyunları iki günü əhatə edəcək.
Tura aprelin 13-də saat 16:00-da Zirə İdman Kompleksinin stadionunda oynanılacaq “Zirə”–“Sumqayıt” görüşü ilə start veriləcək. Həmin gün keçiriləcək “Qarabağ”–“Sabah” oyunu isə saat 18:30-da başlayacaq. Qarşılaşma Tofiq Bəhramov adına Respublika Stadionunda keçiriləcək.
İkinci günün ilk oyunu aprelin 14-də “ASK Arena”da baş tutacaq. Saat 15:00-da təşkil olunacaq oyunda “Keşlə” komandası “Qəbələ”ni qəbul edəcək. Tura “Bayıl Arena”da “Səbail” - “Neftçi” oyunu ilə yekun vurulacaq. Həmin görüş 18:00-da start götürəcək.
Turun bütün görüşləri “CBC Sport” kanalı ilə birbaşa yayımlanacaq.
Şərhlər
Şərhləri göstər Şərhləri gizlət