![Gəncədə yaradıcılıq müsabiqəsinin qalibləri elan olunub](https://ens.az/images/news/4849e99fe46a752cd1c4b61bf5d710bd.jpg)
Gəncədə yaradıcılıq müsabiqəsinin qalibləri elan olunub
Gəncə Şəhər Təhsil İdarəsinin və “Gəncland” Ailəvi İstirahət və Əyləncə Mərkəzinin təşkilatçılığı ilə 1 iyun - Uşaqların Beynəlxalq Müdafiəsi Gününə həsr edilən yaradıcılıq müsabiqəsi keçirilib.
AZƏRTAC-ın bölgə müxbiri xəbər verir ki, Gəncənin ümumtəhsil məktəblərinin şagirdləri müxtəlif istiqamətlər üzrə öz istedad və bacarıqlarını nümayiş etdiriblər.
Mayın 10-dan start götürən yaradıcılıq müsabiqəsi əl işi, şeir, rəsm, rəqs, şahmat və futbol yarışı üzrə keçirilib. Məktəbdaxili seçim turlarında iştirak edən şagirdlərdən ən yaxşıları müsabiqənin final mərhələsinə vəsiqə qazanıb.
Yaradıcılıq müsabiqəsinin yekun mərhələsi “Gəncland” Ailəvi İstirahət və Əyləncə Mərkəzində baş tutub.
Tədbirdə Gəncə Şəhər İcra Hakimiyyətinin, Uşaq-Gənclər İnkişaf Mərkəzinin, Təhsil İdarəsinin, eləcə də ictimaiyyətin nümayəndələri iştirak ediblər.
Futbol üzrə finalda 4 və 26 nömrəli tam orta məktəbin komandaları mübarizə aparıblar. Oyunun sonunda kuboku 26 nömrəli tam orta məktəbin şagirdləri qaldırıblar.
Şeir, rəsm, rəqs, əl işi və şahmat üzrə öz istedad və bacarıqlarını nümayiş etdirən şagirdlər isə münsiflər heyəti tərəfindən qiymətləndiriliblər. Qaliblər mükafatlandırılıblar.
Mükafatlandırma mərasimində çıxış edənlər uşaqları əlamətdar gün münasibəti ilə təbrik ediblər.
Şərhlər
Şərhləri göstər Şərhləri gizlət