"Google" İsveçdə rekord məbləğdə cərimə ödəyəcək

"Google" İsveçdə rekord məbləğdə cərimə ödəyəcək

İsveçdə Patentlər və Bazarlar Məhkəməsi "Google" şirkətinin üzərinə "PriceRunner" qiymət müqayisə xidmətinə antiinhisar qanunvericiliyini pozduğuna görə 14.3 milyard İsveç kronu (təxminən 1.47 milyard dollar) məbləğində təzminat ödəməsi öhdəliyini qoyub.

Ens.az Oxu.az-a istinadən xəbər verir ki,bu barədə İsveç məhkəmələrinin saytında məlumat verilib.

Nəşrdə bildirilir ki, iddia "PriceRunner" tərəfindən 2022-ci ilin fevral ayında qaldırılıb. Şirkət "Google"un axtarış nəticələrində öz qiymət müqayisə xidmətinə üstünlük verdiyini və bununla da rəqabət qanununu pozduğunu iddia edərək, 77 milyard kron tələb edirdi. Məhkəmə iddiaçının iddiasını qismən təmin edib.

"Kompensasiyanın məbləği İsveç antiinhisar qanunvericiliyinin pozulması işləri ilə bağlı indiyə qədər təyin edilən ən böyük məbləğdir", - deyə məhkəmənin nümayəndəsi Linda Kullberq qeyd edib.