Görmə imkanı məhdud olanlar üçün müjdə: Braille Teach-in istehsalına başlanılacaq

Görmə imkanı məhdud olan şəxslər üçün nəzərdə tutulmuş  “Braille Teach”in kütləvi istehsalı məqsədilə hazırlanan  versiyasının videosu yayımlanıb.

“Braille Teach” içərisində 8 oyun olan çox dilli və audio dəstəkli interaktiv Brayl əlifbasını öyrədən qurğudur.

Qurğunun yaradıcısı olan Rəşid Əliyev TED.az-a açıqlamasında “Braille Teach”in kütləvi istehsala hazırlandığını və sifarişlərin xərcini (maya dəyərlərini) qarşılamaq üçün investisiya axtarışında olduqlarını qeyd edib.

O həmçinin, Heydər Əliyev Fondunun sifarişilə qurğunun ilk kütləvi istehsalının yaxın zamanlarda tamamlanacağını, investisiya tapılsa, ilin sonunda dünya bazarına çıxmaq istədiklərini bildirib.