Görünməz olmaq artıq əlçatmaz deyil

Görünməz olmaq artıq əlçatmaz deyil

Kanadanın hərbi kamuflyaj forma istehsalçısı “HyperStealth Biotechnology Corporation” şirkəti insanı, nəqliyyat vasitəsini, gəmini və hətta bütün binanı gizlədə biləcək xüsusi material hazırlayıb.

Yenicag.az xəbər verir ki, ki, materialın çox nazik və yüngül olduğunu ifadə edən Hyperstealth şirkətinin baş direktoru Guy Cramer “Quantum Sheath”in heç bir enerji təchizatına ehtiyacı olmadığını deyib.

Cramer, materialın əhatəsində olan bir insanın, nəqliyyat vasitəsinin və ya binanın ultrabənövşəyi (UV), infraqırmızı və qısa dalğalı infraqırmızı sistemlərdə belə görünmədiyini bildirib.

Baş direktor “Quantum Sheath”ın terrorizm və digər cinayətkarlıq fəaliyyətlərində istifadə edilə biləcəyinə işarə edərək,  bu cür dəhşətli ssenarilərin nəzərə alınması lazım olduğunu qeyd edib. Cramer, “Quantum Sheath”in istehsal tarixi və qiyməti ilə bağlı heç bir məlumat verməyib.