Gürcüstan Prezident Fondunu ləğv etdi

Gürcüstan Prezident Administrasiyasının maliyyələşməsi 2019-cu ildə 1,4 milyon dollar azaldılacaq.

Axar.az xəbər verir ki, bu barədə məlumat gələn il üçün nəzərdə tutulan büdcə layihəsində yer alıb. Yeni büdcə layihəsinə əsasən, Prezident Fondu da tam ləğv ediləcək.

Prezident Administrasiyası üçün isə gələn il ayrılan maliyyə də azalaraq 2,2 milyon dollara düşüb. Prezident Administrasiyasının maliyyələşməsinin azalması ilə bərabər, onun əməkdaşlarının sayı da 140-dan 60-a endiriləcək.