Gürcüstanda azərbaycanlılarla ermənilərin davasının səbəbi açıqlandı – 3 Erməni tutuldu

Gürcüstanın Cavaxk bölgəsində ermənilərlə azərbaycanlılar arasında baş verən hadisə azərbaycanlıların ermənilərə məxsus otlaqda qoyunlarını otarmağa cəhd etməsi səbəb olub.

Ens.az Konkret.Az-a istinadən xəbər verir ki, bu iddia ilə qeydiyyatdan keçməyən “Virk” partiyasının həmsədri David Rstakyan NEWS.am saytına müsahibəsində deyib.

Qeyd edib ki, azərbaycanlılarla ermənilər arasında oxşar problem uzun illərdir mövcuddur. Sovet İttifaqından bəri azərbaycanlılar ermənilərə məxsus otlaq ərazilərdə qoyunlarını otarıblar.

Onun sözlərinə görə, hadisə iştirakçıları hazırda polis bölməsindədir.

“Davamlı olaraq gərginlik yaranır, lakin bu miqyaslı mübahisəyə ilk dəfə rast gəlinir”. David Rstakyan deyib.

Mövcud məlumata görə, üç erməni tutulub. Saxlanılanların sərbəst buraxılmasını tələb etmək üçün yerli ermənilər polis bölməsinin qarşısına toplaşıblar.

Haşiyə: Bu informasiyanın doğruluğunu sübut etmək imkanımız olmadığından sadəcə məlumatı sizə çatdırdıq. Ancaq bir məqam bizə də maraqlı gəldi ki, ermənilər Gürcüstan torpağındakı otlaq əraziləri də özününkü hesab edir. Eynən Qarabağda da hər şey beləcə başlamışdı… Görəsən, gürcülər ermənilərin bu avantür ideyalarının qarşısını ala biləcəkmi?