![Havanın temperaturu iqlim normasından aşağı olub - FAKTİKİ HAVA](https://ens.az/images/news/havanin-temperaturu-iqlim-normasindan-asagi-olub-faktiki-hava.jpg)
Havanın temperaturu iqlim normasından aşağı olub - FAKTİKİ HAVA
Milli Hidrometeorologiya Xidməti Azərbaycanda müşahidə olunan faktiki havanı açıqlayıb.
KONKRET.az-a Xidmətdən verilən məlumata görə, avqustun 17-si səhərədək bəzi yerlərdə şimşək çaxıb, arabir yağış yağıb.
Düşən yağışın miqdarı Göygöldə 12, Gədəbəydə 10, Daşkəsəndə 9, Tərtərdə 8, Naftalanda 6, Şahbuz, Ağdərədə 5, Şərur, Ağdam, Astara, Bərdədə 4, Kişçay (Şəki), Zərdabda 3 m, Sədərək, Gəncə, Şamaxı, Mərəzə, Beyləqan, Yardımlıda 2, Naxçıvan, Ordubad, Şəmkir, Şəki, Quba, Qırız, Göyçay, Sabirabad, Cəfərxan, Biləsuvar, Lerik, Şahdağda 0-1 mm, Bakıda 6 mm (aylıq normanın 98 faizi) olub.
Şimal-qərb küləyi arabir Gəncədə 24 m/s, Naftalanda 18 m/s, Neft Daşları stansiyasında 15 m/s-dək güclənib, dalğanın hündürlüyü 2.6 metrə çatıb.
Havanın temperaturu iqlim normasından 1 dərəcə aşağı olub.
Havanın maksimal temperaturu Bakıda və Abşeron yarımadasında 27-30, aran rayonlarında 27-32, dağlıq rayonlarda 13-19, Naxçıvan MR-da 29-31 dərəcə isti olub.
Şərhlər
Şərhləri göstər Şərhləri gizlət