Həlak olan azərbaycanlılardan üçünün kimliyi məlum oldu
Azov dənizində PUA-ların vurduğu gəmidə həlak olanlardan üçünün şəxsiyyəti məlum olub.
Ens.az APA-ya istinadla xəbər verir ki, Palau bayrağı altında üzən gəmiyə endirilən PUA zərbəsi nəticəsində Azərbaycan vətəndaşları Qismət Əliyev, Fuad Orucov və Məhəmməd Əliyev həlak olublar.
Qismət Əliyevin gəmidə böyük mexanik, Fuad Orucovun isə kapitan olduğu bildirilib.
1993-cü il təvəllüdlü Məhəmməd İlham oğlu Əliyev Zaqatala rayonu, Aşağı Tala kənd sakinidir.
Oxu.Az-ın məlumatına görə, M.Əliyev bir neçə il əvvəl Zaqatala rayonundan Rusiyaya - atasının yanına köçüb. O, həmin vaxtdan etibarən gəmidə işləyirmiş. Gəmidə kapitanın 2-ci köməkçisi kimi çalışırmış.
Hadisə nəticəsində yaralananların vəziyyətinin normal olduğu və hazırda Yeysk şəhər mərkəzi xəstəxanasının cərrahiyə və travmatologiya şöbələrində müalicə aldıqları bildirilib.
Şərhlər
Şərhləri göstər Şərhləri gizlət