![Hökumət kartof, soğan və kələmin ixracına rüsum qoydu](https://ens.az/images/news/f84d6263f749edc256fe3010d955eace.jpg)
Hökumət kartof, soğan və kələmin ixracına rüsum qoydu
Məlum olduğu kimi, son vaxtlarda daxili bazarda kartof, soğan və kələmin qiymətində ciddi artım baş verib.
İqtisadiyyat və Kənd Təsərrüfatı Nazirliklərinin mətbuat xidmətindən Modern.az-a verilən məlumata görə, bununla əlaqədar, Azərbaycan Respublikası Nazirlər Kabinetinin 5 aprel 2019-cu il tarixli qərarı ilə beynəlxalq təcrübəyə uyğun olaraq, həmin məhsulların istehsal mövsümü də nəzərə alınmaqla, kartofun ixracına bu ilin 30 aprelinədək, soğan və kələmin ixracına isə 31 may tarixinədək ixrac rüsumunun tətbiqinə başlanıb.
Habelə soğanın idxalına tətbiq olunan spesifik rüsum həmin müddətədək ləğv edilib.
Atılmış bu addım daxili bazarda qiymət sabitliyinin təmin olunmasına, ölkə əhalisinin bu məhsullara olan tələbatının daha dolğun ödənilməsinə xidmət edir.
Sahibkarların məhsullarının satışında yarana biləcək çətinliklərin aradan qaldırılması istiqamətində zəruri tədbirlər görüləcək.
Şərhlər
Şərhləri göstər Şərhləri gizlət