Hörmüz boğazında tanker vuruldu: Ölən var

Hörmüz boğazında tanker mərmi ilə vurulub.

Oxu.Az TASS-a istinadən xəbər verir ki, bu barədə Böyük Britaniya Hərbi Dəniz Qüvvələri yanında Dəniz Ticarət Daşımalarının Koordinasiyası Mərkəzi (UKMTO) məlumat yayıb.

"Hazırda heyətin vəziyyəti, dəymiş ziyanın qiymətləndirilməsi və ətraf mühitə təsiri barədə məlumat yoxdur", - deyə məlumatda bildirilir.

İranın Keşm dairəsinin rəhbəri Əmir Teymurinin bildirdiyinə görə, Hörmüz boğazında İranın mülki gəmisinə endirilən zərbə nəticəsində azı bir nəfər həlak olub, üç nəfər yaralanıb.

"Bu gün səhər saat 5:00-də ticarət gəmisi Henqam adası və Keşm adasının Şib-Deraz sahili ərazisində zərbəyə məruz qalıb", - deyə o vurğulayıb.