İcra Hakimiyyətindən birinci müavinin həbsi barədə AÇIQLAMA

Xəbər verdiyimiz kimi, Cəlilabad Rayon İcra Hakimiyyəti başçısının birinci müavini Xudaverdiyev Qalib Firudin oğlu Baş Prokurorluq Yanında Korupsiya Qarşı Mübarizə baş İdarəsi tərəfindən saxlanılması barədə məlumat yayılıb.

Ens.az Musavat.com-a istinadən xəbər verir ki,  Cəlilabad Rayon İcra Hakimiyyəti bu xəbərə münasibət bildirib.

Məlumatda qeyd edilib ki, 31 iyul 2023-cü il tarixdə Baş Prokuror yanında Korrupsiya qarşı Mübarizə Baş İdarəsi əməliyyat keçirilib və Cəlilabad bələdiyyəsinin sədri Mehdi Kərimov və rayon icra hakimiyyəti başçısı aparatının Memarlıq və tikinti şöbəsinin müdiri-baş memar Sahil Qənbərli həbs edilib.

Rayon icra hakimiyyəti başçısının birinci müavini Xudaverdiyev Qalib Firudin oğlu isə saxlanılmayıb.

Baş Prokurorluq Yanında Korupsiya Qarşı Mübarizə baş İdarəsi tərəfindən Cəlilabadda daha bir məmur saxlanıb.

News24.az-ın bölgə müxbirinin verdiyi məlumata görə, sözügedən şəxs Cəlilabad Rayon İcra Hakimiyyəti başçısının birinci müavini Xudaverdiyev Qalib Firudin oğludur.

Qalib Xudaverdiyev 2021-ci il dekabrın 3-də Cəlilabad rayon İcra Hakimiyyəti başçısının birinci müavini vəzifəsinə təyin olunub. O, müavin vəzifəsindən öncə Əmlak Məsələləri Dövlət Komitəsinin Reyestr Xidmətində (Cəlilabad) çalışıb.

Qeyd edək ki, iyulun 31-də Baş Prokuror yanında Korrupsiyaya Qarşı Mübarizə Baş İdarəsi tərəfindən Cəlilabad rayonunda aparılan əməliyyat zamanı bir neçə məmur saxlanılıb. Saxlanılanların Cəlilabad rayon Bələdiyyələri Əlaqələndirmə Şurasının və Cəlilabad şəhər bələdiyyəsinin sədri Mehdi Kərimov, Cəlilabad Rayon İcra Hakimiyyətinin baş memarı Sahil Qənbərli və Cəlilabad Elektrik Şəbəkəsinin rəisi Səttar Heydərov olduğu bildirilir.