İlin ən yaxşı baş məşqçisi adına namizədlər bəlli olub

İlin ən yaxşı baş məşqçisi adına namizədlər bəlli olub

FIFA ilin ən yaxşı baş məşqçisi adına namizədləri açıqlayıb.

“Report” qurumun rəsmi saytına istinadən xəbər verir ki, “The Best” mükafatına namizəd “üçlük”də İngiltərə komandalarına rəhbərlik edən mütəxəssislər yer alıb.

Bunlar Çempionlar Liqasının sonuncu qalibi – “Liverpul”un almaniyalı baş məçqçisi Yurgen Klopp, həlledici matçda 0:2 hesabı ilə uduzan “Tottenhem”in argentinalı çalışdırıcısı Maurisio Poçettino və İngiltərə Premyer Liqasında 1-ci yeri tutan “Mançester Siti”yə rəhbərlik edən ispaniyalı Xosep Qvardioladır.

Qeyd edək ki, qalib sentyabrın 23-də İtaliyanın Milan şəhərində açıqlanacaq.