“İlin sonuna 100 minə yaxın sayğac quraşdırılacaq” - “Azərsu”

Bu ilin sonuna qədər 100 minə yaxın su sayğacının quraşdırılması nəzərdə tutulur.

Redaktor.az xəbər verir ki, bunu "Azərsu " ASC-nin ictimaiyyətlə əlaqələr şöbəsinin müdiri Anar Cəbrayıllı deyib.

"Bu gün hələlik abonentlərimizin 11%-i sayğacla təmin olunmayıb. Sayğaclarla bağlı ən çətin durum Bakıətrafı ərazilərdədir. Paytaxtın Türkan və Zirə qəsəbələrində sayğaclara baxışla bağlı vəziyyət çətindir. Çünki sayğaclar darvazaların içərisində yerləşir".