İlon Mask: Neuralink musiqini birbaşa beyinə yayımlayacaq

Ens.az bildirir ki, Neuralink şirkətinin yeni nailiyyətlərinin təqdimatı 28 avqustda baş tutacaq . İlon Mask artıq Twitter hesanından yaratdığı beyin-kompüter interfeysinin imkanları barədə bəzi təfərrüatları açıqlayıb. Məlumata görə, bu texnologiya, musiqinin birbaşa istifadəçinin beyninə yayımlanmasına, eyni zamanda - bütün bədənin sağlamlığının qorunması üçün əsas vasitə olan hormonların idarə olunmasına imkan verir.

2016-cı ildə Maska tərəfindən qurulan neyrotexnologiya şirkəti - Neuralink indiyədək hansısa funksional cihaz nümayiş etdirməyib. Keçən yay Mask, gələcəkdə istifadəçinin beyninə yerləşdiriləcək ilk N1 çipini nümayiş etdirmişdi, lakin tibbi aspektini və iflic olan insanlarla ünsiyyət imkanlarına diqqət edərək, texnologiyanın bütün imkanları haqqında danışmamışdı.

Mask, keçən ay uzun bir fasilədən sonra Neuralink-ın inkişafında inanılmaz nəticələr əldə etdiyini və bu ilin sonunda xəstələrə ilk çipləri implantasiya etməyə hazır olduğunu söylədi.

Bir neçə gün əvvəl Mask, Twitter istifadəçilərinə müraciət edərək, "smartfonlar və köhnəlmiş elektronika ilə bağlı çətin problemləri" həll edə bilən və Neuralink-də işləməyi arzu edənlərə əks-əlaqə vasitələrini qeyd etməyi təklif etdi. Bu yazıya cavab olaraq, kompüter alimi Austin Hovard, "Neuralink tətbiq etsək, çiplərdən istifadə edərək musiqi dinləyə bilərikmi?" Əla funksiyadır. " İlon Musk qısa cavab verdi - "Bəli".

Şirkətin sahibi daha sonra əlavə etdi ki, Neuralink əyləncə xüsusiyyətləri ilə məhdudlaşmayacaq. Maskın dediyinə görə, çiplər stress səviyyəsini azaltmaq və ya koqnitiv bacarıqları artırmaq üçün müxtəlif hormonların səviyyəsini idarə etməyə kömək edəcəkdir. Son inkişaf, zehni pozğunluqlardan və hətta Parkinson xəstəliyindən əziyyət çəkən insanlara kömək etmək üçün istifadə edilə bilər.

Ancaq Neuralink'in əsas məqsədi insan beynini tam işləyən süni intellekt ilə birləşdirməkdir. Beyin işi sahəsində bir çox mütəxəssis, Maskın fikrinin uğursuzluğa məhkum olduğunu düşünür, çünki beynin quruluşu elm tərəfindən tam başa düşülməmişdir, yəni bu və ya digər şəkildə onu kompüterə bağlamaq mümkün olmayacaq. Mask elm adamları ilə mübahisələrə girmir, amma Neuralink-in dörd illik işinin praktik nəticələrini də hələ ki, nümayiş etdirməyib.

Mənbə: hightech.plus