İngiltərədə Yerdə nə vaxtsa yaşamış ən böyük canlının sümükləri aşkar olunub

Bu yaxınlarda İngiltərədə qədim dövrdə yaşamış nəhəng su sürünəninin sümükləri aşkad olunub. Arxeoloqlar iddia edirlər ki, onlar Yer üzərində 250 milyon il əvvəl yaşamış nəhəng heyvana - ixtiozavra məxsusdur. Araşdırmalara əsasən yetkin növ 26 metr uzunluğuna çata bilərdi, yəni müasir göy balinanın ölçüsündə idi.

İxtiozavrların qalıqları bütün dünya üzrə müxtəlif yerlərdə aşkad olunub. Onlar okeanlarda o dövrün ən qorxunc dəniz yırtıcıları olaraq erkən trias və gec təbaşir dövründə hökmranlıq edirdilər. Yeni növün sümükləri Bristoldan bir saatlıq yolda tapılmışdır və alimlərə təkcə ayrı-ayrı ətrafları deyil, bütövlükdə bütün sürünəni qiymətləndirməyə imkan verib. Tədqiqatçılar qeyd edir ki, məhz bu ixtiozavr eyni növ arasında ən nəhəngi olub.

Bu kəşf əvvəlkini də aydınlaşdıra bilər: 1850-ci ildə Bristolun yaxınlığında Aust şəhərində dinozavr sümükləri tapılmışdı. Alimlər güman edirdilər ki, onlar yerüstü canlılara (steqozavra və ya zauropodlara) məxsusdur, lakin bəlkə də onlar ixtiozavrın qalıqları idi.

Tərcümə: Famil Ələkbərov

Mənbə: Populyarnaya Mexanika