“İnter”in yeni baş məşqçisi müəyyənləşib

“İnter”in yeni baş məşqçisi müəyyənləşib

İtaliyanın “İnter” klubunun yeni baş məşqçisi müəyyənləşib.

Milan klubunun rəsmi saytı Antonio Konte ilə müqavilə bağlandığını qeyd edib.

Konte “İnter”in 27 yaşlı çinli prezidenti Stiven Janqla görüşdükdən sonra üç illik müqaviləyə imza atıb.

“Həyatımda yeni hissə başlayır. Həqiqətən, həyəcanlıyam. İşim vasitəsilə çalışacağam ki, klub prezidenti və Direktorlar Şurasının mənə olan inamını doğruldum. “İnter”i seçməyimin səbəbi bu klub, onun tarixidir, layihələrin ambisiyalı səslənməsidir. Mənim arzum “İnter”i layiq olduğu yerə qaytarmaqdır”.

Qeyd edək ki, Antonio Konte ötən il “Çelsi”dən ayrıldıqdan sonra işsiz idi. “İnter”in isə əvvəlki baş məşqçisi Luçano Spalletti idi. O, komandanı Çempionlar Liqasına çıxarsa da, titul qazana bilmədiyindən, müqaviləsinin müddəti uzadılmayıb.