İran dronları Küveytdəki ABŞ qüvvələrinə və logistika mərkəzlərinə zərbələr endirib

İran dronları Küveytdəki ABŞ qüvvələrinə və logistika mərkəzlərinə zərbələr endirib

İranın pilotsuz uçuş aparatları ABŞ-nin Küveytdəki qüvvələrinə və düşmən ordusunun maddi-texniki təminat mərkəzlərinə hücum həyata keçirib.

Ens.az Oxu.az-a istinadən xəbər verir ki,bu barədə "Fars" agentliyi məlumat yayıb.

"Bir neçə saat əvvəl "İldırım" əməliyyatının 12-ci mərhələsi çərçivəsində İran ordusunun "Arəş" dağıdıcı dronları ABŞ-nin Küveytdə dislokasiya olunmuş qüvvələrinə və maddi-texniki təminat mərkəzlərinə zərbələr endirib", - deyə açıqlamada qeyd olunub.

Bundan başqa "Rudaw" telekanalının məlumatına görə, İraqın Süleymaniyyə şəhərində də dörd partlayış qeydə alınıb.

Hadisə ilə bağlı əlavə təfərrüat açıqlanmır.

İslam İnqilabı Keşikçiləri Korpusu (SEPAH) həmçinin Suriya ərazisindəki ABŞ xüsusi əməliyyatlar idarəetmə mərkəzini də hədəfə alıb. Həyata keçirilən hücum nəticəsində qarşı tərəfə məxsus radiolokasiya stansiyası və helikopterlər tamamilə sıradan çıxarılıb.