![İran müharibədə tərəfə çevrilir – Rusiyaya dəstək üçün yeni həmlə](https://ens.az/images/news/iran-muharibede-terefe-cevrilir-rusiyaya-destek-ucun-yeni-hemle.jpg)
İran müharibədə tərəfə çevrilir – Rusiyaya dəstək üçün yeni həmlə
“İran kamikadze pilotsuz təyyarələrin istehsalını artırmaq niyyətindədir. Tehran “Şahid-136”-ların Moskvaya verilməsi müqabilində ondan təkcə pul yox, həm də “Su-35” qırıcıları alır”.
Ens.az Teleqraf.com-a istinadən xəbər verir ki, bunu ukraynalı hərbi ekspert Aleksandr Kovalenko deyib.
“İranla Rusiyanın hərbi əməkdaşlığının başladığı 2022-ci ildən rusların istifadə etdikləri “Şahid-136”ların kifayət qədər maliyyələşdirildiyini görə bilərik”, - ekspert bildirib.
Kovelenkonun sözlərinə görə, İran rejimi Rusiyanın Ukraynada yalnız mülki şəxslərə hücum etmək üçün istifadə etdiyi kamikadze dronlarının istehsalını artırır:
“İranın bundan maddi və texnoloji fayda götürür. Çünki İran bunun müqabilində “Su-35” qırıcıları alır. Ona görə də Rusiyaya tədarük üçün istehsal gücünü artırmaq motivi var”.Rusiya ötən ildən İrandan PUA alır. Ruslar Ukraynanın enerji və mülki infrastrukturuna qarşı bu dronlardan fəal şəkildə istifadə edir.
Son məlumata görə, Rusiya indiyədək Ukrayna şəhərlərinə 1160-dan çox PUA atıb, bunlardan 900-ə yaxını vurulub.
Ukrayna Prezidenti Vladimir Zelenski Rusiyanın işğalçı müharibəsinə verdiyi dəstəyə görə molla rejiminə etiraz edib.
Şərhlər
Şərhləri göstər Şərhləri gizlət