İran Silahlı Qüvvələrinin Baş Qərargahının rəsmi nümayəndəsi Əbülfəzl Şəkərçi canlı yayımda çıxış edərək İsrailin İrana endirdiyi zərbələrə qarşı Tehranın sərt cavab verəcəyini bəyan edib.
Ens.az Oxu.az-a istinadən xəbər verir ki, bu barədə məlumatı "RİA Novosti" yayıb.
"Ölkədə narahatlığa əsas yoxdur. İsrail və ABŞ baş verənlərin əvəzini ağır şəkildə ödəyəcək və sərt cavab alacaq", - deyə o bildirib.
Xatırladaq ki, daha əvvəl İsrailin müdafiə naziri İsrael Kats İrana qarşı "preventiv zərbələrin" endirildiyini açıqlayıb. İsrail ordusunun mətbuat xidməti isə bu hücumları "İslam Respublikasının nüvə proqramına qarşı qabaqlayıcı zərbələr" adlandırıb.
