İran Ukraynanı hədələdi: "Cavabsız qalmayacaq"

İran hakimiyyəti Ukrayna Silahlı Qüvvələrinin (USQ) Xəzər dənizində İslam Respublikasına məxsus ticarət gəmisinə endirdiyi zərbəni cavabsız qoymayacağını bəyan edib.

Ens.az Oxu.az-a istinadən xəbər verir ki,bu barədə "Fars" agentliyi İran parlamentinin vitse-spikeri Əli Nikzadın bəyanatına istinadən məlumat yayıb.

"Ölkəmizə və ərazimizə qarşı təcavüzün həyata keçirildiyi istənilən nöqtə, şübhəsiz ki, silahlı qüvvələrimizin qanuni hədəfinə çevriləcək. Ukrayna hökumətinin uzaqgörənlikdən uzaq addımları cavabsız qalmayacaq", - deyə o vurğulayıb.

Xatırladaq ki, ötən gün İran Xarici İşlər Nazirliyi Ukraynanın Xəzər dənizində İranın ticarət gəmisinə zərbə endirdiyini, nəticədə ekipaj üzvlərindən birinin həlak olduğunu açıqlayıb.