İran və Pakistan hərbi əməkdaşlığı genişləndirmək istəyirlər

İranın müdafiə naziri vəzifəsini icra edən Məcid İbn Rza Tehranda Pakistan ordusunun baş feldmarşalı Səid Asim Munir ilə görüşündə Tehranın İslamabadla müdafiə sektorunda əməkdaşlığı genişləndirməyə hazır olduğunu bildirib.

Ens.az Redaktor.az-a istinadən xəbər verir ki,bu barədə İRNA məlumat yayıb.

Məlumata görə, Pakistan ordusunun komandanı ilə görüş zamanı nazir vəzifəsini icra edən şəxs İslamabadın İran İslam Respublikasına dəstək məsələsindəki prinsipial mövqeyinə görə minnətdarlığını ifadə edib.

Bildirilir ki, görüşdə iki ölkə arasında müdafiə və təhlükəsizlik sahəsində əməkdaşlığın genişləndirilməsinin, regional təhlükəsizlik mexanizmlərinin yaradılmasının və sionist rejimin təhdidlərinə qarşı birgə mübarizənin vacibliyi vurğulanıb.

Qeyd edək ki, ruhani liderin dəfn mərasimində iştirak etmək üçün Tehrana səfər edən Pakistan ordusunun rəhbəri İran İslam Respublikasının qonaqpərvərliyini yüksək qiymətləndirib, həmçinin İran hökuməti və xalqına dərin başsağlığı verib.