İrandan yeni təhdid: Qlobal ixrac dəhlizlərini bağlamaqla hədələyir

İranın İslam İnqilabı Keşikçiləri Korpusu (SEPAH) Birləşmiş Ştatlar və onun müttəfiqlərinə xeyir gətirən bütün ixrac dəhlizlərini bağlayacağı ilə bağlı xəbərdarlıq edib.

Ens.az Oxu.az-a istinadən xəbər verir ki, bu barədə "Reuters" agentliyi SEPAH-ın bəyanatına istinadən məlumat yayıb.

Bildirilib ki, bu addım ABŞ-nin Hörmüz boğazında dəniz blokadasını bərpa etməsinə cavab tədbiri kimi dəyərləndirilir.

"Bölgənin enerjidaşıyıcılarının ixracı ya hamı arasında bölünəcək, ya da heç kim ondan yararlana bilməyəcək", - deyə bəyanatda qeyd olunub.

Agentliyin analitiklərinin fikrincə, rəsmi Tehran bu məqsədini Yəməndəki husi müttəfiqləri vasitəsilə həyata keçirməyi planlaşdırır. Onlar Qırmızı dənizə gedən yolda Bab əl-Məndəb boğazını bağlamaqla Vaşinqtona qarşı yeni cəbhə aça bilərlər. Nəticədə dünyanın iki ən mühüm enerji marşrutu təhlükə altına düşəcək. Belə ki, həmin dəniz yolu Qırmızı dənizi qlobal gəmiçiliyin böyük bir hissəsinin həyata keçirildiyi və Səudiyyə Ərəbistanından neftin daşındığı Ədən körfəzi ilə birləşdirir.