İsmayıl bəy Nakam - Cami-səfadə qalmayıb artıq əsər-məsər

Cami-səfadə qalmayıb artıq əsər-məsər,
Mirati-dildə qət-qət olubdur kədər-mədər.

Müşkülsə də iqamət əgər kuyi-yardə,
Mümkün deyil bu büqədən, ey dil, səfər-məfər.

Təzvirdir, fəribdir axır nəticəsi,
Hər bir kəlamın olsa məali əgər-məgər.

Getmiş qərar təndə Süleymani-rubdən,
Yoxdur hənuz hüdhüdi-dildən xəbər-məbər.

Məcnun kimi kənar olub adabi-eşqdən,
Hər Leylivəş cəmalına qılmam nəzər-məzər.

Mən aşiqəm o şahidə kim, çıxsa pərdədən,
Nabud olur süphdə xur-mur, qəmər-məmər.

Nakam, yandın atəşi-nıöhnətdə, bəd əz in,
Yaxmaz səni cəhimü məhimü səqər-məqər.