İsrail Trampın xahişi olmadan İrana zərbələr endirməyəcək

İsrailin Baş naziri Benyamin Netanyahu ABŞ Prezidenti Donald Trampla apardığı danışıqlar zamanı Vaşinqtonun xahişi olmadan yəhudi dövlətinin öz təşəbbüsü ilə İrana hərbi zərbələr endirməyəcəyini bildirib.

Ens.az Oxu.az -a istinadən xəbər verir ki, bu barədə "Associated Press" agentliyi İsrail mənbələrinə istinadən məlumat yayıb.

Qeyd olunub ki, Netanyahu Trampla söhbətində İranın hücumu halında İsrailin cavab tədbirləri görmək hüququnu özündə saxladığını da xüsusi vurğulayıb. Həmçinin, baş nazir Ağ Ev liderinin diqqətinə çatdırıb ki, İsrail tərəfi İran haqqında əldə etdiyi yeni kəşfiyyat məlumatlarını gələcəkdə də ABŞ-yə ötürmək. Netanyahu İranla olan münaqişədə Vaşinqtonun Yaxın Şərqdəki ərəb müttəfiqlərinin mövqelərini nəzərə almalı olduğunu başa düşdüyünü ifadə edib. O, ABŞ prezidentinə İran məsələsində İsrailin Vaşinqtona tam inandığını və Trampın hər bir qərarını dəstəkləyəcəyini əminliklə çatdırıb.

Netanyahu və Trampın görüşündən əvvəl ABŞ-nin "Al-Monitor" portalı öz mənbələrinə əsaslanaraq məlumat verib ki, İsrailin Baş naziri yəhudi dövləti tərəfindən İran ərazisinə endiriləcək yeni zərbələrin planlarını ABŞ prezidentinə təqdim etmək niyyətindədir. Portalın yazdığına görə, söhbət İranın sənaye obyektlərinə, körpülərinə və dəmir yolu infrastrukturuna edilə biləcək potensial hücumlardan gedirdi.