![İşsiz vətəndaşlara ümumilikdə nə qədər vəsait ödənilib? - RƏSMİ](https://ens.az/images/news/73accd09264a59fc885cccec6641a61e.png)
İşsiz vətəndaşlara ümumilikdə nə qədər vəsait ödənilib? - RƏSMİ
Əmək və Əhalinin Sosial Müdafiəsi Nazirliyi işsiz kimi qeydiyyata alınan şəxslərdən daha 20 min nəfər üçün birdəfəlik vəsaiti bank filiallarına və poçt şöbələrinə köçürüb.
Oxu.Az xəbər verir ki, həmin şəxslərə işsiz kimi qeydiyyata alınmaq üçün müraciət edərkən qeyd etdikləri telefon nömrələrinə bu barədə SMS göndəriləcək.
Mesajı aldıqdan sonra evdən çıxmaq üçün müvafiq qaydada icazə almaqla mesajda “Azərpoçt” MMC qeyd edilibsə - istənilən poçt şöbəsinə, bank göstərilibsə - həmin bankın istənilən filialına şəxsiyyət vəsiqəsi ilə müraciət edərək birdəfəlik ödəməni əldə edə bilərlər.
İşsiz şəxslərin birdəfəlik ödəmə ilə təminatına aprelin 9-dan başlanılıb və ödəniş prosesi gündəlik davam edir. Ötən 6 gündə Nazirlik tərəfindən artıq 120 min işsiz şəxs üçün birdəfəlik vəsaitin bank filiallarına və poçt şöbələrinə köçürülməsi təmin olunub.
Ümumilikdə 22.8 milyon manat vətəndaşların hesabına köçürülüb.
Qeydiyyata alınan digər işsizlər də birdəfəlik ödənişlə təmin olunacaq.
Şərhlər
Şərhləri göstər Şərhləri gizlət