"İstirahət mərkəzində qadının ölməsi ilə bağlı araşdırma aparılır" - Baş prokurorluq

İyulun 2-si saat 17 radələrində 1963-cü il təvəllüdlü Xanım Tağıyevanın Xaçmaz rayonunun İstisu qəsəbəsi ərazisində yerləşən istirahət mərkəzlərindən birində ölməsi faktı ilə bağlı Xaçmaz rayon prokurorluğunda araşdırma aparılır.

Ens.az Metbuat.az-a istinadən xəbər verir ki, bu barədə Baş prokurorluğun Mətbuat xidmətindən bildirilib.

Xəbərə görə, ölümün səbəbi təyin olunmuş məhkəmə-tibbi ekspertizasının rəyi əsasında müəyyən ediləcək.

Hadisə üzrə tam, hərtərəfli və obyektiv araşdırma aparılmaqla nəticəsi barədə müvafiq qərarın qəbul edilməsi təmin olunacaq.