![Karantin rejimi Azərbaycana avtomobil idxalını da vurub](https://ens.az/images/news/fc3515bd95169d87acd6879fa94cee23.jpg)
Karantin rejimi Azərbaycana avtomobil idxalını da vurub
2020-ci ilin yanvar-aprel dövründə Azərbaycana 201 milyon 420 min dollar dəyərində 17 min 196 ədəd avtomobil idxal edilib.
Marja Dövlət Gömrük Komitəsinin aylıq hesabatına istinadən xəbər verir ki, ötən ilin ilk 4 ayı ilə müqayisədə 2020-ci ilin ilk 4 ayında avtomobil idxalı təxminən 47% artıb. 2019-cu ilin yanvar-aprel dövründə Azərbaycana 11 min 695 ədəd avtomobil idxal edilmişdi.
İlk 4 ayda ölkəmizə 16 min 20 ədəd minik avtomobili, 69 ədəd avtobus, 1 048 ədəd yük avtomobili və 59 ədəd xüsusi təyinatlı avtomobil idxal edilib.
2020-ci ilin aprel ayında 1704 ədəd avtomobil idxal edilib. Bu il yanvarda 5 906 ədəd, fevralda 5 641 ədəd, martda isə 3 945 ədəd avtomobil idxal edilmişdi. Mart ayı ilə müqayisədə Apreldə avtomobil idxalı 2,3 dəfə azalıb. Beləliklə, koronovirusun qarşısının alınması üçün tətbiq edilən karantin rejimi avtomobil satışlarına mənfi təsir edib.
Şərhlər
Şərhləri göstər Şərhləri gizlət